الرئيسيةالشبكةالشات \الدردشةس .و .جبحـثالأعضاءالتسجيلدخول
اقسام الشبكة
المواضيع الأخيرة
اعلانات قوقل
--
سحابة الكلمات الدلالية
اضافات Andreas عليها 2009 saCamHack الفوتوشوب حرامي 2010 اكسنت اسرار افضل 2011 الاحمري لعبه كامري الهجولة سيارة مواضيع تحميل السيارات سيارات هجولة ابوعابد برنامج لعبة السعودي

شاطر | 
 

 رواية عن الزواج

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسير الصمت
|~المشرف العام~|
|~المشرف العام~|
avatar

الاوسمة~> :



احترام القوانين : احترام100%
MmS~| : حياتي بدون اغاني...شي ثاني
اَلْمُشَرَكَــاَ تـ : 150
المزاج~| : مسطوول
اْلهٍوَاًيَهـْ~| : ركوب الخيل
ذكر
تَارِيٍخْ} اْلأنْضِمًاَمْ : 15/01/2011
اَلْمَكَـــاٌنْــ : ما ادري

مُساهمةموضوع: رواية عن الزواج   19/6/2012, 1:13 am

بسم الله الرحمن الرحيم

انا لا اجيد المقدمات وراح ابدا بقصتي وانشاءالله تعجبكم؟؟؟؟؟؟؟

اول شي القصه من الواقع المر وراح اعرفكم على الشخصيات:

عائلة ابو مشعل
رجل مدير في بنك الرياض متزوج
دلال وعنده منها 6 عيال وثلاث بنات
مشعل:عمره 32 سنه (شكله مقبول)
سلمان:عمره 29 سنه (مملوح)
مريم:عمرها 25 سنه(مو حلوه لكن عاديه)
وباقي العائله تتعرفون عليها مع احداث القصه

=============
عائلة ابو خالد
رجل اعمال مهم
ام خالد وعندهم اربع بنات وثلاث شباب
خالد: 27 سنه (شكله حلو يشبه رامي عياش)
جوري:26 سنه (حلوه)
شادن:25 سنه (جذابه مره)
راما:22 سنه (انسانه عبقريه وحلوه)
راشد:21 سنه اعزب( حلو ويعطي من خالد عبد الرحمن)
روتانا:19 سنه (بريئه و وجهها طفولي)
نايف:15سنه(دلوع العيله وكل طلباته مجابه)
=============
ابو تركي
مدير شركه كبيره
متزوج من موضي وعنده منها ثلاث شباب وثلاث بنات
ساميه:19 سنه(انسانه جميله)
كادي:17(ملقوفه والكل يتأذى منها)
تركي:15سنه(حلو)
ميس:13سنه(مملوحه)
نواف:11 سنه(ملقوف طالع ع اخته كادي)
عبدالله:6 سنين(آخر العنقود)
==============================

يوم 10-4-1423هجري
في فله ابو خالد وقت العصر........
جا ابو خالد لبنته شادن وقالها
الابو:شادن تعالي شوي ابيك
شادن:الله يستر
الابو:شرايك بولد عمك مشعل
شادن:من اي ناحيه
الابو:من كل النواحي وبالاخص كزوج
شادن:لا مستحيل
الابو: وشو اللي مستحيل
شادن: اتزوجه
الابو: ليش؟؟؟؟؟
شادن:-------
الابو: علميني ليش....! شايفه منه شي
شادن: انا ماابيه ولا احبه
(الابو عصب): ليش لا تكونين حاطه احد براسك وتنتظرينه
شادن: لا والله يايبه مو كذا بس انا ماابيه
الابو: عطيني سبب
شادن وهي تبكي: خلاص يبه سوي اللي تبيه
الابو:مافيه احسن للبنت من ولد عمها يابنيتي
شادن قامت وهي تبكي: خلاص كيفكم انت ادرى بمصلحتي اكثر مني....وراحت
الابو: شفيها البنت ماتبيه
الام: والله ماادري وترا انت بعد استعجلت ولا سألت عن الرجال
الابو بعصبيه: نسأل عنه؟؟؟؟ ليش هو غريب لاتنسين انه ولد اخوي ونعرفه زين
الام: خلاص اللي تشوفه
الابو: نادي جوري خلينا نسألها عن رايها بسلمان مع ان الراي لا بيقدم ولا بيأخر
الام قامت: جوري جوري ياجوري وصمخ وينك؟؟؟
جوري: هلا يمه آمري
الام: تعالي ابوك يبيك
جوري وهي تتذكر:ياويلي وش يبي انا ماسويت شي اليوم...!
وراحت لابوها وهي خايفه من انها مسويه شي
جوري: هلا يبه تبيني<<<< الصوت يرجف
الابو بإبتسامه: تعالي اجلسي جنبي
جوري ارتاحت وفي نفسها اشوا ماسويت شي
جوري:آمرني
الابو: جا سلمان وابوه اليوم بيخطبونك وش رايك....؟
جوري بصدمه: هاااااااااااه
الابو: وش فيك فتحتي فمك
جوري: لا بس خايفه اكون فهمت غلط
الابو: اقول عمك وسلمان جوا اليوم بيخطبونك يعني بيتزوجك
سلمان وش رايك
جوري:-------<<<<ينقال مستحيه
الابو: يعني نقول انك موافقه..
جوري بحيا مدري من وين جا: اللي تشوفه...... وحطت رجلها
الابو: اجل على بركة الله
والام وهي معصبه: ايه ايه
================================
جوري وهي فرحانه: شادن شادن شدونه
شادن: خير وش تبين
جوري: حزري من خطبني؟؟؟؟
شادن: يعني من بيكون<<<< معصبه من جد
جوري: خطبني سلوم فديته
شادن:---------<<< لاتعليق
جوري: شفيك انتي معصبه وتبكين !!!!!!
شادن: اطلعي برا ترا مالي خلقك اليوم ياجوري
جوري: آآآآآآه عرفت الحين انتي غيرانه مني صح....؟
شادن: عمر تفكيرك مايتعدل دايم بيكون سطحي..<<<وتكمل بكي
جوري: الشره مو عليك ع اللي جاي يقولك يووووه انا طفشت بروح اكلم صديقتي
بقولها هالخبر....<<< وراحت تبي تكلم خويتها
شادن: محد حاس فيني بهالبيت
===============
جوري تكلم نفسها: الله ماني مصدقه واخيرا خطبني سلوم مابغى...
وهي تمشي ع الدرج بتروح لتليفون بالصدفه اسمعت امها وابوها يتكلمون بشادن
وجلست تتسمع<<<<<<<<< وعاد تعرفون حب الحريم لسوالف
الابو: ياام خالد اكيد مشعل بيكون احسن من الغريب
الام: ماقلنا شي بس البنت ماتبي لا تجبرها ع شي ماتبيه
الابو: هي توها صغيره وماتدري وين مصلحتها
الام: ومصلحتها بتكون عند ولد عمها يعني؟؟؟
الابو بنرفزه: خلاص انا عطيت اخوي كلمه ومابرجع فيها سكري ع الموضوع....
الام: طيب طيب اللي تشوفه انت ادرى بخوك وعياله.
جوري بعد ماسمعت اللي صار ازعلت ع اختها لانها تدري عن مشعل وسوالفه معها قبل
وكم حب بنت من ناس يعرفهم ومايعرفهم.
جوري راحت تركض لاختها شادن عشان اتكلمها
جوري تطق الباب: شدون افتحي الباب
شادن: مالي خلقك روحي من هنا
جوري: بكلمك شوي وبطلع مو مطوله والله مابستهبل<<<شادن عارفه سوالفها
شادن قامت وافتحت الباب: وش تبين مني
جوري: ياعمري والله ماكنت ادري ان مشيعل جا اخطبك من ابوي ع بالي بس سلمان
شادن: طيب ودريتي وش بيصير يعني
جوري: لازم نقنع ابوي عشان ماتتزوجينه
شادن بعصبيه:كله منك وسلمان لولا حبكم لبعض ماارتبط مصيري بمصير واحد مثل مشعل
جوري: جيتي علي الحين وانا وش دخلني
شادن: يعني ماتدرين بتفكير اهلك وعمامك ان الكبير لازم يتزوج قبل الصغير ومشعل اكبر من سلمان
افهمي ياغبيه
جوري: شوفي لا تعصبين علي انا مااحطيت هالقانون بالعيله
شادن: اكيد بتنكتين لان محد بيآكلها غيري انا
جوري بإستهبال: بس عطيني منها بآكل معك ولا تزعلين
شادن:ها ها ها بايخه مثلك
جوري: هههههههه اجل اكيد حلوه
شادن اطلعت من الغرفه
جوري تتكلم مع نفسها: بروح اكلم امي حرام شادن تعيش مع واحد مايفكر غير في نفسه
===================



انتهى البارت
ياترا وش بتقول جوري لامها عشان تقنعها بعدم زواج شادن من مشعل
وهل بتوافق امها او لأ؟؟؟؟

واذا اعجبتكم القصه قولولي عشان اكملها وتراها من الواقع


النهاية (( منقول)) Cool



[ندعوك للتسجيل في المنتدى أو التعريف بنفسك لمعاينة هذه الصورة]


 


[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]


 

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رواية عن الزواج
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى العام :: القصص والروايات-
انتقل الى: